სიახლეები

დაგვეთანხმებით, რომ საგზაო ნიშნები ჩვენი ცხოვრების განუყოფელი ნაწილია და მათი შესწავლა ღირებული და სასარგებლოა მოსწავლეებისთვის.

მეორე კლასში ჩატარებული აქტივობის ,,ჩვენი მეგობარი საგზაო ნიშნები"-ს მთავარი მიზანი საგზაო წესების შესახებ ცოდნის კონსოლიდაცია, ქუჩაში პასუხისმგებლობის გრძნობისა და ფრთხილად ქცევის მოტოვირება იყო.

იმეგობრე საგზაო ნიშნებთა და იგრძენი თავი დაცულად.

მუსიკის გარეშე ცხოვრება უბრლოდ შეცდომა იქნებოდა"- ნიცშე. ბავშვების გემოვნების განვითარებაზე ბევრი რამ ახდენს გავლენას, მათ შორის უპირველესია მუსიკა. სკოლა ჰელიოსის მე 6 კლასში ჩატარდა ღია გაკვეთილი თემაზე: " ძველი ბერძნული ანტიკური თეატრი და ოპერის გამვითარება".

ალბათ დაგვეთანხმებით, რომ კლასგარეშე განათლება, რომელსაც მოსწავლე არაფორმალურ გარემოში იღებს, ისეთივე მნიშვნელოვანია სოციალური და კვლევითი უნარების განვითარებისთვის, როგორც კლასში გამოყენებული სპეციალური მეთოდები.

უფრო მეტიც – ამ დროს მოსწავლეები გართობისა და დასვენების დროს გაუცნობიერებლად იძენენ ახალ ცოდნას, განივითარებენ უნარ-ჩვევებს და გამოიმუშავებენ გარემოსადმი სწორ დამოკიდებულებას.

ამ მიზნით, წლის დასასრულეს, მესამე კლასის მოსწავლეები სიყვარულის ქალაქს სტუმრობდნენ, დიდი ინტერესით დაათვალიერეს და მოილოცეს ბოდბის მონასტერი.

სასწავლო შემეცნებითი ვიზიტი გასართობი ღონისძიებებით დასრულდა და მოსწავლეებს კიდევ ერთი ერთად გატარებული, დასამახსოვრებელი დღე დარჩათ სახსოვრად..

 

Vა კლასის მოსწავლეები გაზაფხულის მოსვლას მიეგებნენ და იმოგზაურეს ზღაპრის ჯადოსნურ სამყაროში.

მათ იხილეს სპექტაკლი: ,,ბურატინო” და მიიღეს დაუვიწყარი შთაბეჭდილებები.

ალბათ ხშირად გსმენიათ, რომ შავი შოკოლადი სასარგებლოა და იმ სიამოვნებასთან ერთად, ამ ტკბილეულის მირთმევას რომ ახლავს, მისგან ბევრი სარგებლის მიღება შეგიძლიათ.

სკოლა ჰელიოსის პატარა ანგელოზები შოკოლადის მუზეუმს ეწვივნენ სტუმრად, სადაც მათ მიიღეს ინფორმაცია შოკოლადის წარმოების შესახებ და დააგემოვნეს ნამდვილი ქართული შოკოლადი.

,,სკოლა ჰელიოს"-ის მეორე კლასის მოსწავლეებმა ინგლისურ ენაში შესწავლილი ახალი თემის მიხედვით, შექმნეს ნამუშევრები სათაურით My Secret Garden, რომელსაც დაურთეს ინგლისურენოვანი აღწერა.კრეატიული მიდგომით მოსწავლეებმა მარტივად აითვისეს ახალი მასალა.

 IVბ კლასის მოსწავლეებმა ინგლისურ ენაზე ისაუბრეს კოსმოსის და კოსმოსში პირველი მოგზაურობის  შესახებ. გაიმდიდრეს ლექსიკური მარაგი. მიიღეს ინფორმაცია  კოსმოსში და მთვარეზე პირველი მოგზაურების  შესახებ. იციან  საერთაშორისო კისმოსური სადგურების მუშაობის  შესახებ.

❤️ ,,სკოლა ჰელიოსის" 2ბ კლასში ჩატარდა კითხვის კონკურსი ინგლისურ ენაში 📖 მოსწავლეებმა შეძლეს სრულყოფილად, უშეცდომოდ წაეკითხათ უცხოენოვანი ტექსტი, ისინი შეფასდნენ წინასწარ გაწერილი კრიტერიუმებით. თოთოეულმა მათგანმა მაქსიმალურად წარმოაჩინა თავიანთი შესაძლებლობები ❤

❤️ ,,სკოლა ჰელიოს"-ის 2გ კლასის მოსწავლეებმა თავისი ხელით შექმნილი დეკორაციებითა და მხიარული განწყობით აღნიშნეს ჰელოუინი. ❤🎃მოაწყვეს კოსტუმირებული წვეულება, გააკეთეს ჰელოუინის თამაშის trick or treat იმიტირება სიმღერით, ორივე ენაზე ისაუბრეს ჰელოუინის ისტორიასა და  მნიშვნელობაზე. ღონისძიება დიდი მხიარულებითა და საზეიმო განწყობით დასრულდა.❤️

წელიწადის ყველა დრო ბავშვებისთვის განსაკუთრებული მნიშვნელობის მატარებელია და თითოეულ მათგანს აქვს თავისი ხიბლი. წარმოდგენილი აქტივობისთვის შევარჩიეთ შემოდგომის თემა, რადგან განსაკუთრებული სიმდიდრითა და მრავალფეროვნებით ხასიათდება. ბავშვებისთვის შემოდგომის პერიოდი კიდევ უფრო მიმზიდველი გახდა წარმოდგენილი ბუნებრივი თვალსაჩინოებებით, რაც შემოდგომას ახასიათებს. აქტივობის ფარგლებში მოსწავლეებმა შეასრულეს ნახატები, წარმოთქვეს ლექსები და ისაუბრეს შემოდგომით მოსავლის მრავალფეროვნებაზე, რომელიც ადამიანის დაუღალავი შრომის შედეგია.

" სკოლა ჰელიოსის"  2გ კლასში ჩატარდა  სახალისო ვიქტორინა მათემატიკაში. ვიქტორინა  შედგებოდა 3 ტურისაგან. სახალისო ამოცანები, ჩაფიქრებული რიცხვის პოვნა და ქვიშის საათი(დროზე ორიენტირებული).

,,სკოლა ჰელიოსის"Xკლასის მოსწავლეებმა შეისწავლეს ჰაგიოგრაფიული მწერლობის ნიმუშები.ისაუბრეს ეკლესიის როლზე ქრისტიანობის განმტკიცების საქმეში.პრეზენტაციის სახით წარმოადგინეს საქართველოსა  და საზღვრებს მიღმა არსებული სასწავლო_სამონასტრო ცენტრები(გელათისა და იყალთოს აკადემია,ათონის სალიტერატურო სკოლა,პეტრიწონის ფილოსოფიური კერა)აქტივობის მიზანი იყო შესწავლილ მასალებს შორის ურთიერთკავშირის დამყარება და სამონასტრო ცხოვრების ზოგადსაკაცობრიო როლის განსაზღვრა.

❤️🍂🍁 "სკოლა ჰელიოსის"  2გ კლასის მოსწავლეებმა  საკლასო ოთახი  შემოდგომის თბილი ფერებით მორთეს .ნიჭიერმა ბავშვებმა ხელოვნების გაკვეთილზე ფერადი ფურცლებისაგან  შექმნეს წითელ-ყვითელი ფოთლები, ქოლგები და რაც მთავარია   შემოდგომის მზესავით თბილი განწყობა შეგვიქმნეს თავისი ხელებით.🍂🍁❤️

პრეზენტაცია - ,,ორგანული ქიმია ჩვენ ცხოვრებაში'' XI კლასის მოსწავლეებმა  პედაგოგის ხელმძღვანელობით  ისაუბრეს ორგანული ქიმიის მნიშვნელობაზე ადამიანისა და ბუნებისთვის. აღნიშნეს მისი დადებითი და უარყოფითი მხარეები, გაუზიარეს ერთმანეთს ცოდნა, რამაც უფრო საინტერესო გახადა თემის შესწავლა

მოხარულები ვართ რომ მსოფლიოში შექმნილი მდგომარეობის მიუხედავად სასიხარულო ამბავი გვაქვს. “სკოლა ჰელიოს"-ის ადმინისტრაცია თავს იკავებდა ახალი სასწავლო წლის დაწყების შესახებ ინფორმაციის მოწოდებისგან, რადგან ჯერ კიდევ არ იყო ცნობილი რა რეკომენდაციების გათვალისწინება მოგვიწევდა. მოგეხსენებათ, დღეს გახდა ცნობილი თუ რა რეგულაციების დაცვა მოგვიწევს ახალი სასწავლო წლის დაწყებისას. აღნიშნული რეგულაციების გათვალისწინებით, გვინდა გაცნობოთ, რომ "სკოლა ჰელიოსი" სასწავლო პროცესს განაახლებს 15 სექტემბერს. იქიდან გამომდინარე, რომ ჩვენი სკოლის ერთ-ერთი ძირითადი პრიორიტეტი პანდემიამდეც იყო მცირერიცხოვანი კლასები გვაქვს შესაძლებლობა სწავლა დავიწყოთ ჩვეულ რეჟიმში I-დან XI კლასის ჩათვლით. აქვე გვინდა გაცნობოთ, რომ 25 აგვისტომდე თითოეულ კლასს დაუკავშირდება დამრიგებელი და 5 სექტემბრამდე ჩაინიშნება მშობლებთან შეხვედრები. "სკოლა ჰელიოსი" მოუთმენლად ელოდება მოსწავლეებთან შეხვედრას!

❤️საგან მე და საზოგადოებაში მესამე კლასის მოსწავლეებმა გამოიგონეს და ფერადი ქაღალდებით შექმნეს საგზაო ნიშნები🚙🚗🚦🚥. ასევე შექმნეს გზის სავალი ნაწილი და განალაგეს საგზაო ნიშნები შესაბამის ადგილებზე.❤️

❤️ სკოლა ,, ჰელიოსის" 3ბ და 3გ კლასის მოსწავლეები იმყოფებოდნენ სტამბა ,, ფავორიტში"  ბავშვებმა ნახეს  თუ როგორ იბეჭდებოდა და  იკინძებოდა წიგნები. როგორ მზადდებოდა სარეკლამო ბარათები . დასასრულს, სტამბის თანამშრომლებმა მოსწავლეები წიგნებით დაასაჩუქრეს ,რომლებიც იქვე  ბავშვების დახმარებით იქნა დაბეჭდილი და აკინძული.❤️

❤️ მე 4 კლასის მოსწავლეები ესტუმრნენ თბილისის ილუზიების მუზეუმს. გაეცნენ ოპტიკური, ფიზიოლოგიური და შემეცნებითი ილუზიის არსს. დაათვალიერეს 70 მდე ილუზიების კანონზე დაფუძნებული ექსპონატი.❤️

❤️ 19 თებერვალს სკოლა „ჰელიოსის“ V-VI კლასების მოსწავლეები ესტუმრნენ თბილისის „სახანძრო-სამაშველო მუზეუმს“. უნიკალური ექსპონატების დახმარებით მათ იმოგზაურეს საინტერესო სამყაროში და თვალი მიადევნეს მეხანძრეობის განვითარების ყველა ეტაპს ჩვენს ქვეყანაში. 🚒🚒🚨მოსწავლეებმა მუზეუმში ნანახი და გაგონილი წარმატებით დაუკავშირეს სკოლაში განვლილ მასალას. მათ იციან, რომ გადაუდებელი დახმარების სამსახურის თანამშრომლები, ხშირად საკუთარი სიცოცხლის ფასად ეხმარებიან ადამიანებს და ამისთვის დაფასებას იმსახურებენ. თავიანთი ვიზიტით მოსწავლეებმა გამოხატეს მათდამი მადლიერება.❤️